ເບີໂທຕິດຕໍ່: 021 413871 | Email: contact@rbac.info
  • Lao

ກະຊວງສຶກສາທິການ ແລະ ກິລາ

ສະຖາບັນ ຣັຕນະ ບໍລິຫານທຸລະກິດ

RATTANA INSTITUTE OF BUSINESS ADMINISTRATION

ການສອບເສັງຄັດເລືອກເອົານັກສຶກສາໃໝ່ ສົກສຶກສາ 2020-2021

ໃນວັນທີ 09 ກັນຍາ 2020 ທີ່ຜ່ານມານີ້ ສະຖາບັນ ຣັຕນະ ບໍລິຫານທຸລະກິດໄດ້ຈັດຕັ້ງການສອບເສັງຄັດເລືອກເອົານັກສຶກສາໃໝ່ເຂົ້າສຶກສາຢູ່ ສະຖາບັນ ຣັຕນະ ບໍລິຫານທຸລະກິດ ໃນລະດັບປະລິນຍາຕີ, ຕໍ່ເນື່ອງປະລິນຍາຕີ ສົກສຶກສາ 2020-2021 ມີ 4 ສາຂາວິຊາຮຽນຄື: ການບໍລິຫານທຸລະກິດທົ່ວໄປ, ການເງິນ-ການທະນາຄານ, ການຕະຫຼາດ, ພາສາອັງກິດທຸລະກິດ. ເປັນກຽດເຂົ້າຮ່ວມມີ: ທ່ານ ຮສ ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ ພ້ອມຄະນະ, ທ່ານ ປອ ສົມເພັດ ຣັຕນະສິມ ປະທານອຳນວນການ ສະຖາບັນ ຣັຕນະ ບໍລິຫານທຸລະກິດ ພ້ອມຄະນະ ມີ ຄະນະຄູ-ອາຈານ ແລະ ຄະນະກຳມະການສອບເສັງ  ສະຖາບັນ ຣັຕນະ ບໍລິຫານທຸລະກິດ
ກ່ອນການຂື້ນຫ້ອງສອບເສັງ ສະຖາບັນ ຂອງພວກເຮົາໄດ້ປະຕິບັດຕາມການແຈ້ງການຂອງນາຍົກລັດຖະມົນຕີ, ຄະນະກຳມະການສະເພາະກິດແຫ່ງຊາດ ແລະ ກະຊວງສຶກສາທິການ ແລະ ກິລາ ໃນການປ້ອງກັນ ສະກັດກັ້ນ ແລະ ເຟົ້າລະຫວັງການແຜ່ລະບາດຂອງພະຍາດໂຄວິດ 19 ຢູ່ໃນສະຖາບັນ ຢ່າງເຂັ້ມງວດ, ໂດຍແຈກຜ້າອັດປາກ, ເຈວລ້າງມື ແລະ ວັດອຸນນະພູນຮ່າງກາຍ, ຮັກສາໄລຍະຫ່າງ 1 ແມັດ

ການສອບເສັງໄດ້ເລີ່ມແຕ່ 09:00-11:30ໂມງ ຕອນບ່າຍ ເລີ່ມຕັ້ງແຕ່ 13:30-15:00 ໂມງຈື່ງຈົບລົງ ແລະ ຈະແຈ້ງຜົນສອບເສັງໃນວັນສຸກ 11 ກັນຍາ 2020 ສາມາດຕິດຕາມໄດ້ທາງ www.rbac.edu.la Faceboook: Rattana Institute of Business Administration ຂໍເປັນກຳລັງໃຈໃຫ້ນ້ອງໆເສັງຜ່ານໝົດທຸກຄົນ.